Tu Hi Malik-e-Bahro Bar | تُو ہی مالکِ بَحرو بَر ہے یا اللہ یا اللہ | Naat Lyrics | Rabi Ul Awal Naat Lyrics | 1500 Sala Jashan e Wiladat

تُو ہی مالکِ بَحرو بَر ہے یا اللہ یا اللہ

تُو ہی مالِکِ بَحرو بَر ہے  یا اللّٰہُ  یا اللّٰہ

تُو ہی خالِقِ جِنّ و بَشَر ہے یا اللّٰہُ  یا اللّٰہ

تُو اَبَدی ہے تُو اَزَلی ہے تیرا نام عَلیم و علی ہے

ذات تِری سب سے بَرتَر ہے یا اللّٰہُ  یا اللّٰہ

وَصف بیاں  کرتے ہیں   سارے سَنگ و شَجر اور چاند ستارے

تسبیحِ   ہر خُشک   و تَر ہے    یا اللّٰہُ   یا اللّٰہ

تیرا چرچا ہر گھر آنگن صحرا صحرا گلشن گلشن

وَاصِف ہر پھول اور ثَمَر ہے یا اللّٰہُ  یا اللّٰہ

خَلقت جب پانی کو تَرسے رِم جھم رِم جھم بَرکھا بَرسے

ہر اِک پر رَحمت کی نَظَر ہے،    یا اللّٰہُ      یا اللّٰہ

رات نے جب سر اپنا چھُپایا چِڑیوں   نے یہ ذِکر سنایا

نَغمہ   بار    نسیمِ   سَحَر   ہے    یا اللّٰہُ         یا اللّٰہ

بَخش دے تُو عطارؔ کو مولیٰ واسِطہ تُجھ کو اُس پیارے کا

جو سب  نبیوں   کا    سَرور ہے             یا اللّٰہُ           یا اللّٰہ